Dokumentu Akzioak
Albisteak
Maila bat goragoHerrixa dantzan: arrakasta itzela
Arrakasta itzela izaten ari da Herrixa Dantzan dantzaldi irekia. Atzokoan Jainaga eta Narbaiza bikotearen zuzeneko musika izan genuen. Dantza gidari, ohi bezala, Patxi Montero. Demaseko giroa, eta hurrengoan itzultzeko gogoa.
Zuhaitz Eguna Asentzion
Martxoaren 28an, domeka, dozena bat pago kimu landatu zituen elgetar talde batek Asentzion. Zuhaitz Eguna ospatu zuten modu horretan, baina Zuhaitz Egun berezia izan zen, udal ordezkariek aprobetxatu zutelako Asentzion egindako berritze obrak erakusteko. Aparkaleku, komun eta mahai berriak egokitu dituzte, besteak beste.
Zuhaitz Eguna domekan
Martxoaren 28an, domeka, Zuhaitz Eguna egingo dugu Elgetan. Asentzioko parkinean elkartuko gara 10:30ean, gero zuhaitzak landatzera joateko. Etorri eta parte hartu!
Ibilgailuen erabileraz hausnartzeko foroak amaitu du bere lana
Herritarren foroak lau bilera egin ditu azaroa eta martxoa bitartean. Helburu bat izan da, oinezkoen kaleetan ibilgailuen erabilera mugatzeko, Udalak prestatu zuen arautegi zirriborroa aztertzea. Baina arautegiaz gain, beste egiteko batzuk ere agerian jarri ditu foroak.
Martxoak 8: talde argazkia atera dute
Emakumeen Egunean, martxoak 8, ekitza ezberdinetan parte hartu zutenek talde argazkia atera zuten.
Apirilean argazkilaritza digitalean eta oinarrizko sukaldaritzan trebatzeko aukera egongo da
Udalak eta Bizikasik bi ikastaro antolatu dituzte apirilerako. Doan izango dira. Izena emateko epea datorren astean zabalduko dute udaletxean.
Elur eta izotz arriskua iragarri dute datozen egunotarako
Herrizaingo sailetik alerta horia deitu dute. Momentuko iragarpenen arabera, egoerak ez du bariku arratsaldera arte hobera egingo.
Udalak, iaz baino 800.000 euro gutxiago gastatu nahi ditu
Onartu berri den aurrekontuan antzeman daiteke gastua murrizteko Udal Gobernuak duen premia. Murrizketa handiena inbertsioen kapituluan aurreikusten du Udalak. "Gobernu honek finantziazioa dagoenean egingo du inbertsioa", esan du Oxel Erostarbe alkateak. Aipatu bezala, murrizketa handiena inbertsioen kapituluan aurreikusten du Udalak. Aurten, iaz baino 600.000 euro gutxiago.
Errepidea zabalik dago
Errepidea zabalik dago une honetan (19:30). Hala ere, tarteka elur bitsa egiten du. Kontuz gidatzeko eskatu dute Herrizaingo Sailetik. Jarraian duzue Euskalmet agentziak ondorengo orduetarako egin duen iragarpena:
Magia zaletasuna bultzatzea helburu, zapatuan hasiko dira elgetarrak ikastaroarekin
Hilabeteko atzerapenarekin bada ere, zapatuan hasiko da Espaloian magia ikastaroa. Zapatu goizero, zortzi hilabetez, Jose Angel Suarez ilusionistak gidatuko du ikastaroa. Helburua: magia zaletasuna butzatu eta hastapeneko oinarrizko trikimailuak erakustea.